Rule of thumb:
Tim, pls find time to read Great ideas!
Friday, October 28, 2005
11:58 PM
今日朝早我去左cityu圖書館溫書，我發覺左一樣好得意既野，第一就係cityu既學生好鐘意查字典，一本普通management書，佢地一頁查成十幾個字，究竟佢地係真係唔識d字，定係佢地愛求真，想知道d字exactly既意思呢？第二就係cityu真係好鬼熱鬧，一朝早就水洩不通，聽到d soc人叫生曬，佢地叫到好大聲，但無人會聽到佢地講緊乜，真好笑‧有d soc人會一早返學校，唔係上堂，而係講早晨，佢地一班人會大大聲叫：早晨，早晨，早~~~~晨，乜乜soc同你講早~~~~晨，到左中午，佢地會叫午安，放學時間佢地會叫再見‧cityu d人真係精力旺盛，相比起，港大d人就真係采你都傻，返hall訓下覺唔好‧
溫書溫到五點，去左銅鑼灣買禮物，點知間鋪頭成日都無開，所以最後都買唔到，不過我又唔係空手而回wo，因為我去左一間上樓既眼鏡鋪買左幅眼鏡，burberry新鏡，我覺得都幾靚，不過就同我戴緊嗰幅都好似下，無計啦，鬼叫我夠專一咩，哈哈‧
雖然無買禮物比生日嗰個，但係我都好識做，我去italian tomato買左兩件cakes，因為我都知道唔會有人買比你嫁喇，哈哈，係唔係好好人呢？
之後同生日嗰個去左gv gateway睇高凶三萬尺，雖然一早預左係尻片，但係睇完都要循例屌下，唔屌唔舒服‧睇完好想回水‧‧‧
跟住，去左和民食野，同我親愛既同學們食飯真既好開心，大家乜都九up下，好舒服‧但係講下講下，先發覺我同佢地平時都好少聯絡，所以佢地最新既消息我完全唔知，我都幾out‧
